Ibodati islomiyaحیض و نفاسHayz va nifos24 satrKitobda: 52-53-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 52-bet‹›1حیض و نفاس2سوال حیض نیچوک نمرسه دور3جواب بلاغت غه یتکان قیز و خاتون لارنینک بچه دانیدن هر آی عادت بولوب کیلادورغان قاندور4س بالغه بولمغان قیزدن یا که توغماقدن قالغان خاتوندن کیلغان قان یا که بر درد و آغریق سبب لیک کیلغان قان و هم قارنیده حملی بار یعنی بالاسی بار خاتوندن کیلغان قان حیض قانی بولورمی5ج اوشبولار حیض قانی ایمس لار بلکه استحاضه قانی بولورلار6س استحاضه قانی نیچوک قاندور7ج حیض و نفاس دن باشقه بر علت سبب لیک کیلادورغان قاندور8س حیض قانی نیچه کونغچه کیلور9ج کم راقی اوچ کیچه کوندوز دور اوچ کیچه کوندوزدن کم ده حیض قانی کیلیب تمام بولمس10کوب راقی اون کیچه کوندوز دور حیض قانی اون کیچه کوندوزدن اصلا اوتمس11حیض خصوصیده هر خاتون نینک اوزی نینک بر عادتی بولادور12س ایکی حیض یعنی بر حیض دن ایکینچی حیض غچه نیچه کون پاک بولادور13ج پاکلیک نی آز راقی اون بیش کیچه کوندوز دور اما کوب راغی نینک معین مقداری یوقدور14بو خصوصده هم هر خاتون نینک بر عادتی بار دور15س اوچ کیچه کوندوز تولماسدن کیلیب تمام بولغان و هم اون کیچه کوندوز تولغاندن سونکره کیلغان قان و هم حیض کورغاندن سونکره اون بیش کون اوتماسدن کیلغان قان حیض قانی میدور16ج حیض قانی ایمستور بلکه استحاضه قانی دور17س نفاس قانی نیچوک قاندور18ج خاتونلار بالا توغغاندن سونکره یا که بالاسینی توشورغاندن سونکره کیلادورغان قاندور19س نفاس قانی نیچه کونغچه کیلور20ج کمی نینک حدی و اولچاوی یوقدور چونکه احتمالی بار که بر ساعت ده هم کیلیب تمام بولسه21کوب راقی قرق کیچه کوندوز دور22نفاس خصوصیده هم هر بر خاتون نینک اوزی نینک بر عادتی بار دور عادتی شرعا معتبر دور23س بالا کیلغاندن سونکره قرق کوندن سونکره هم قان کیلسه نفاس دن حساب بولورمی24ج اول قان نفاس قانیدن حساب تاپیلماس بلکه استحاضه قانی دورOldingiJunubKeyingiHoyiz va nufaso va mustahoza