Ibodati islomiyaاهل السنّة والجماعة بیانیAhli sunnat val-jamoat bayoni42 satrKitobda: 35-37-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 35-bet‹›1اهل السنّة والجماعة بیانی2سوال رسول علیه السلام نینک صحابه لاری وفات ایتیب تمام بولغاندن سونکره اهل اسلام اعتقادده نیچه فرقه بولمیش لار3جواب مجموعی یتمیش اوچ فرقه بولغانلیغی روایت قیلنیب دور اما مشهورلاری اوچ فرقه دور4س اول مشهور فرقه قیو فرقه لاردور5ج اهل السنّة والجماعة فرقه سی شیعه فرقه سی معتزله فرقه سی6س اوشبو اوچ فرقه نینک قیوسی نینک اعتقادی حق دور7ج اهل السنّة والجماعة نینک اعتقادی حق دور8س بزلار اوزیمیز قیو فرقه دن دورمیز9ج بزلار اهل السنّة والجماعة فرقه سیدن دورمیز10س اهل السنّة والجماعة نینک اعتقادی نه طریقه دور11ج پیغمبرمیز محمد علیه السلام اوزلاری و صحابه لاری دین و شریعت حکم لاریغه نه طریقه اعتقاد قیلسه لار اهل السنّة والجماعة هم شول طریقه اعتقاد قیلورلار12هیچ بر وجه دن تغییر بیرلغان ایمس13اوشبو کتاب ده کی مسئله لار هر قیوسی اهل السنّة والجماعة فرقه سی نینک اعتقادیغه موافق یازیلمیش دور و هر بر مسئله سی حق مسئله دور14س شیعه نینک اعتقادی نه طریقه دور15ج الارنینک اعتقادی کوب مسئله ده اهل السنّة والجماعة نینک اعتقادیغه موافق بولسه هم بعضی مسئله لارده مخالف لاری هم بار دور16مثلاً اهل السنّة والجماعة فرقه سی نینک اعتقادی خلافت مسئله سنده شول دور کیم رسول علیه السلام دن سونکره امام و خلیفه بولمکغه مستحق ابوبکر صدیق رضی الله عنه ایدیلار17شول سبب دن جمیع صحابه اتفاقلاری برله اوّل اول کیشی خلیفه بولغان ایردیلار18اندن سونکره حضرت عمر رضی الله عنه اندن سونکره حضرت عثمان رضی الله عنه اندن سونکره حضرت علی المرتضی رضی الله عنه دورلار19اما شیعه فرقه سی رسول علیه السلام دن سونکره خلیفه لیککه مستحق حضرت علی رضی الله عنه و اندن سونکره انینک نسلیدن بولغان سیدلار خلیفه لیککه مستحق دورلار دیوب اعتقاد قیلورلار20اما حضرت ابوبکر و حضرت عمر و حضرت عثمان خلیفه بولمالیق لاری لازم دور دیورلار21و شول مسئله غه اوخشاش باشقه نیچه تورلوک مسئله لارده خلاف لاری بار دور22س معتزله فرقه سینی اعتقادی نه طریقه دور23ج الارنینک اعتقادلاری هم بعضی مسئله ده اهل السنّة والجماعة نینک اعتقادلاریغه مخالف دور24چونکه معتزله طائفه سی اوزلاری نینک ضعیف عقل لاریغه غایتده اعتماد قیلیب ایشانورلار25شول سبب دن الار شریعت حکم لاریدن اوزلاری نینک عقل لاری قبول قیلغان مسئله لارنینک ظاهریغه اعتقاد ایتمس لار26بلکه هر قیوسینی تاویل قیلیب ظاهرلاریدن باشقه مطالعه قیلورلار27مثلاً الار قبرده میت نینک تیرلمکیغه و سوال ایتغوچی فرشته لار کیلماکلاریغه قبرده اولوک کیشی راحت یا عذاب کورماکیغه صراط کوپروکی بارلیغیغه عمل لارنینک ترازو برله اولچانماغیغه و الله تعالی جنت ده بولغان کیشی لارغه کورونماغیغه و شولارغه اوخشاش مسئله لارنینک ظاهریغه ایشانمس لار28س اهل السنّة والجماعة فرقه سیدن بولغان کیشی لارنینک نه دیب آتالور29ج سنّی دیب آتالورلار30س شیعه فرقه سیدن بولغان کیشی لارنینک نه دیب آتالور31ج شیعی دیب آتالور32س معتزله فرقه سیدن بولغان کیشی لارنینک نه دیب آتالورلار33ج معتزلی آتالورلار34اوز عقلیغه اعتماد قیلیب شریعت حکم لارینی ظاهریغه اعتماد قیلمای تاویل قیلغان کیشی لار هم معتزلی حکمیده دور35س شیعه و معتزله فرقه لاریدن بولغان کیشی لار مسلمان می یا مسلمان ایمس می36ج دین اسلام نینک حق لیغیغه ایمان کیلتوروب قبله غه قاراب نماز اوقوغان لاری هر قیوسی مسلمان دورلار37مسلمان بولسه لار هم بعضی مسئله لارده خطا اعتقاد قیلغان لیقلاری اوچون کناهکار دورلار38الارنینک هیچ بر وقت بی سبب کافر دیمک درست ایمس دور39چونکه الار الله تعالی نینک بارلیغیغه و برلیغیغه ایشانمک لاریده و محمد علیه السلام الله تعالی نینک حق پیغمبری بولغانلیغیغه ایشانمک لاریده و کلام شریف الله تعالی نینک کتابی ایکانلیغیغه ایشانمک لاریده هیچ نقصان و کم لیک یوقتور40اوّل زمانلارده الار نینک ارالاریده غایتده مخالف اعتقادلار و بدمذهب لیک لاری کوب بولور ایکان41لکن بو زمانده اوشل طریقه فاسد اعتقاد و بوزوق مذهب لیک لاری کم قالمیش دور42اما الاردن کفرغه عائد بولادورغان بعضی اعتقادلار ظاهر بولسه کافرلیغیغه حکم قیلمک درست دورOldingiXalifalar bayoniKeyingiAhkomi shariyya bayoni