Ibodati islomiyaمحمد علیه الصلوة و السلام بیانیMuhammad alayhissalotu vassalom bayoni64 satrKitobda: 29-32-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 29-bet‹›1محمد علیه الصلوة و السلام بیانی2سوال بزلارنینک پیغمبریمیز کیم دور3جواب محمد علیه السلام دورلار4بزلار هر قیومیز اوشل ذات نینک امت لاریدین دورمیز5س محمد علیه السلام قیو زمانده دنیاغه کیلمیش دور6ج ۵۷۰ نچی تاریخ میلادیه ده ۲۳ نچی ثورده ۱۲ نچی ربیع الاوّل ده دوشنبه کونی دنیاغه کیلمیش دور7س ایمدی اوشبو یلده محمد علیه السلام نینک توغولغان زمانیدن تا اوشبو یلغچه نیچه نچی یل بولادور8ج اوشبو سوز قیسی یل ایتیلسه اوشل یلدن حساب قیلینیب جواب بیریلور9س محمد علیه السلام قیو یرده و قیو شهرده دنیاغه کیلمیش دور10ج آزیاده عربستان نام لیک یرده مکه مکرمه نام لیک شهرده دنیاغه کیلمیش دور11س قیو شهرده عمر اوتکارمیش دور12ج ایلیک اوچ یاشیغچه مکه مکرمه ده عمر اوتکارمیش بعد ازان مدینه شهریغه هجرت ایتمیش یعنی کوچمیش13س نیچه نچی یاشیده پیغمبر بولمیش دور14ج ۴۰ نچی یاشیده پیغمبر بولمیش دور15س پیغمبر بولغونچه نیچوک حالده بولمیش دور16ج یاش وقتیدن غایت ده عقل لیک و توغری لیک و یخشی لیک برله مشهور بولمیش دور17بوتون مکه خلایقی انینک خلق و طبیعتینی خواهلاکان و یخشی کورکان ایردیلار18کمال توغریلیک دن محمد الامین دیر ایردیلار19اولوغراق ایشلارده هر قیولاری انکا مشورت و مصلحت قیلا باشلامیشلار20عالی و بلند مرتبه لیک برله اولوغ کیشی بولماغی یاشلیقدن ظاهر بولمیش دور21س پیغمبر بولغونچه نیچوک ایشلارغه مشغول ایردیلار22ج خدیجه نام لیک بر بای خاتون نینک سوداگرلیک ایشلارینی سرشته قیلمک اوچون وکیل و متصدی بولغان ایردیلار23س نیچه یاشلاریده اویلانغان ایردیلار و کیمنی خاتون لیقغه قبول قیلغان ایردیلار24ج یکرمه بیش یاشلاریدا اویلانغان ایردیلار25مذکوره حضرت خدیجه اوزینی خاتون لیقغه عرض قیلغان ایردی محمد علیه السلام انی قبول قیلغان ایردیلار26س حضرت خدیجه کبری اول زمانده نیچه یاشده ایردیلار27ج قرق یاشده ایردیلار28س محمد علیه السلام پیغمبر بولغونچه مکه و عربستان اهلی قیو دینده ایردیلار29ج کوبراق لاری بت پرست و مجوسی ایردیلار و بعضیلاری یهود و نصارا دینیغه قیتغان هم ایردیلار30شول طریقه بولسه هم اکثرلاری ابراهیم علیه السلام دینینده و انینک ملتینده دورمیز دیوب دعوی قیلور ایردیلار31س محمد علیه السلام نینک پیغمبرلیکی نه طریقه ده باشلانمیش دور32ج محمد علیه السلام قرقینچی یاشلاریده دنیا ایشلارینی ترک قیلدیلار33اوز فکر و عقل لاری برله الله تعالی نی بارلیغینی بیلدیلار و انکا عبادت قیلا باشلامیشلار34کوبراق مکه مکرمه نینک بر طرفنده حرا نام لیک تاغده بر غارغه باریب الله تعالی دن طلب و انکا عبادت قیلور ایردیلار35بر کون اوشل تاغده اولتورغان زمانیده جبرائیل کیلیب سوره اقرا نینک باشینی اوقودی36ینه ایکینچی زمان کیلیب الله تعالی نینک پیغمبر قیلغانی نینک و خلایقنی دین اسلامغه تکلیف قیلمک و انکا چاقیرمک اوچون ایلچی قیلغانی نینک سوزلامیش دور37س شوندن سونکره محمد علیه السلام نه قیلمیش لار38ج الله تعالی بویورغان طریق برله آهسته آهسته خلایقنی دین اسلامغه تکلیف قیلا باشلادیلار و بر نیچه کیشینی مسلمان قیلدیلار39س همه دن ایلکاری کیم ایمان کیلتوروب مسلمان بولمیش40ج اولوغ ایرککلاردن حضرت ابابکر صدیق و خاتونلاردن حضرت خدیجه کبری و یاش باله لاردن حضرت علی رضی الله عنهم ایمان کیلتوروب مسلمان بولمیش لار41س پیغمبر بولغاندن سونکره مکه مکرمه ده نیچه یل تورمیش دور42ج اون اوچ یل تورمیش دور43س اندین سونکره قیو یرغه هجرت ایتمیش یعنی کوچمیش دور44ج اندن سونکره الله تعالی نینک امری برله مدینه منوره شهریغه هجرت ایتمیش دور45و محمد علیه السلام هجرت قیلغان زمانده انکا ایرکاشیب مکه ده بولغان وقتده مسلمان بولغان کیشی لار هم مدینه منوره غه هجرت قیلدیلار46س بز اهل اسلام تاریخنی یعنی یل لارنینک حسابلارینی قیسی یلدن باشلاب حساب قیلورمیز47ج محمد علیه السلام مکه دن مدینه غه هجرت قیلغانلاریدن باشلاب تاریخ یوروتورمیز48س اوشبو تاریخ نینک نه دیب آتالور49ج تاریخ هجری دیب آتالور50س محمد علیه السلام مدینه منوره ده بولغان وقتده نه ایشلار قیلمیش دور51ج اهل اسلام نینک غایت ده کوب ایتمیش و جمیع اهل اسلامغه پادشاه حکمند بولوب52ایمانسیز خلق لارنی دین اسلامغه کیرگوزمک و اسلام مملکتی حاصل قیلمک اوچون کافرلارغه مقابل قیلیب صحابه لارنی عسکر ایلاب اوروش لار قیلور ایردیلار53۸ نچی تاریخ هجریده مکه مکرمه نی مغلوب قیلیب آلیب ایردیلار54۱۰ نچی تاریخ هجریده مکه مکرمه غه باریب جمیع اهل اسلام برله حج قیلمیش ایردیلار55و اوشبو حج وقتنده الله تعالی دن کلام شریف نینک همه دن اخیر آیت لاری کیلمیش دور56محمد علیه السلام اول آیت لارنی اوقوب الله تعالی نینک کلامی قرآن نینک تمام بولغانی نی و دین اسلام نینک حکم لاری تمام بیان قیلینغانلیغی نی سوزلامیش دور57و اوزی نینک اجلی یقین بولغانلیغی نی انکلاتیب جمیع خلایق غه کوب وعظ و نصیحت لار قیلمیش دور58و اوزی وفات قیلغونچه صحابه لاریغه الله تعالی بویورغان دین اسلام نینک حکم لارینی هر قیوسی نینک بیان قیلیب تمام قیلمیش دور59س محمد علیه السلام نیچه نچی یاشیده دنیادن کیتمیش دور60ج مدینه منوره ده اون یل تورغاندن سونکره ۶۳ نچی یاشنده ۶۳۲ نچی تاریخ میلادیه ده ۱۱ نچی تاریخ هجری ده ۱۲ نچی ربیع الاوّل ده دوشنبه کون دنیادن کیتمیش دور61س محمد علیه السلام نینک قبر شریفلاری قایده دور62ج مدینهٔ منوره شهریده روضهٔ مطهّره و حرم مسجدی نینک ایچینده مخصوص بر کنبذ ایچینده دور63روضهٔ مطهّره غه هر یل کوب حاجی لار کیلیب قبر شریفلری زیارتیغه مشرف بولمقده دورلار64وفّقنا الله تعالی و ایّاکمOldingiHazrat Odam va Havvo alayhimassalom bayoniKeyingiMuhammad alayhissalomning moʻjizalari bayoni