Ibodati islomiyaمحمد علیه السلام نینک معجزه لاری بیانیMuhammad alayhissalomning moʻjizalari bayoni58 satrKitobda: 32-34-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 32-bet‹›1محمد علیه السلام نینک معجزه لاری بیانی2سوال بزلار نینک پیغمبرمیز محمد علیه السلام نیچوک معجزه لار کورساتمیش ایدیلار3جواب اننک معجزه لاری غایتده کوب دور سیر النبی و تواریخ انبیا کتابلارینده اکثری بیان قیلنمیش دور4س مشهور معجزه لاری قیو نرسه لاردور5ج اوشبولاردور6١نچی کافرلار سنامق وچون قیلغان سوال لاری بویونچه قول لاری برله اشاره قیلیب آی نی ایکی بولاک غه آیریب کورساتمیش دور7و آی ایکی بولاک بولوب بر بولکی تاغ نینک بر طرفیدین و ایکینچی بولکی تاغ نینک ایکینچی طرفیدن کورونوب تورمیش دور8٢نچی محمد علیه السلام حضرت ابوبکر صدیق رضی الله عنه برله مکهٔ مکرمه دن کوچوب مدینهٔ منوره غه کیرغان حال لاریده ابوایوب الانصاری ناملیک صحابه نینک حولیسیغه توشمیش لار9ابوایوب الانصاری ایکولاریغه کفایه قیلغودیک بر آز آش حاضر ایتمیش لار10آش حاضر بولغان زمانده محمد علیه السلام ابوایوب غه مدینه شهری نینک اولوغ کیشی لاری نینک مجلس غه چاقیرماقغه بویورمیش دور11همه سی بیر یوز سکسان قدر کیشی بولوب دورلار و هر قیولاری تناول ایتمیش لار12محمد علیه السلام نینک معجزه لاری نینک برکتیدین هیچ کم بولغان ایمیش13اول حالنی کورغان سونک همه اهل مجلس ایمان کیتورمیش لار14٣نچی حدیبیه صحراسنده اوروش بولغان زمانده صحابه لار غایت تشنه بولغان ایمیش لار15رسول علیه السلام سوبی قورغان بر چاه دن دعا برله سو چیقارمیش دور16فی الحال چاه سوغه تولمیش دور17جمیع عسکرلار سو ایچمیش لار و حیوانلارینی هم ایچورمیش لار18٤نچی بر وقتیده صحابه لار صحراده تشنه بولمیش لار19رسول علیه السلام نینک قول لاریغه اندک سو لیک بر کاسه بیرمیش لار20رسول علیه السلام اول کاسه داغی سوغه مبارک بارماقلاری نینک سوقمیش لار21اوشل ساعتده کاسه سو برله تولمیش دور22یتمیش سکسان کیشی شول کاسه دن سو ایچوب سوغه قانیب تشنه لیک لاری زایل بولمیش دور23و هم اوز کاسه لارینی توتوب سو المیش لار24هنوز اول کاسه ده کی سو تمام بولمس ایمیش25٥نچی بر زمانده نبی علیه السلام مجلس قوروب اوچ یوز قدر کیشی نی چاقیرمیش ایدیلار26بر کیچیک طبق برله خرما قویوب برکت تیلک قیلمیش کیم اوچ یوز کیشی هر قیوسی شول طبق دن تناول ایتمیش لار27معجزه برکتیدن طبق ده کی خرما هیچ کم بولمامیش دور28٦نچی بر وقتده محمد علیه السلام آلدیلاریغه یمک اوچون دشمن لار زهرلیک گوشت کیلتوروب قویمیش ایکان لار29اوشل گوشت یعنی یانکیز مین زهرلیک دورمن دیب آواز چیقارغان ایکان30٧نچی بر بوری و بر آهو و بر تیوه محمد علیه السلام معجزه سی برله تیلغه کیلیب سوزلامیش دور31٨نچی بر کیشی پیغمبرلیکینکیزغه شاهدینکیز بارمی دیب سوال ایتمیش ایکان32شول یرده اوسوب تورغان بر درخت رسول علیه السلام نینک یانیغه کیلیب کلمه شهادت ایتیب قایتیب جایغه باریب تورمیش دور33٩نچی خندق ده اوروش بولغان وقتده بر دانه اوفاق نانیغه برکت بیرمیش ایکان34اوشل ناندن بر مینک کیشی یب تویغان ایکان لار35١٠نچی حنین اوروشیده دشمن طرفیدغی عسکرلارغه بر اوچ تفراق آلیب آتمیش ایکان36همه لارینی کوزلاریغه تفراق تولوب مغلوب بولمکلاریغه سبب بولدی37١١نچی بر زمانده اننک قولیده تاشلاردن سبحان الله دیکان تسبیح آوازی چیقیب ایشیتیلدی38١٢نچی بر وقتده محمد علیه السلام اتالاری برله عمکلاری اوچون دعای خیر قیلیب تورغان وقتلاریده اوی نینک دیوارلاریدن آمین دیکان آواز ایشیتیلمیش39١٣نچی محمد علیه السلام اوّلراق زمانده جمعه کونی خطبه نی بر خرما درختیغه آرقه لاری نینک سویاب اوقور ایدیلار40سونکره بلند بولسون دیب ایکی زینه لیک منبر قیلدوردیلار41بر جمعه شول منبر نینک اوستیغه چیقیب خطبه باشلاغان حال لاریده خرما درختی دن گویا غمگین بولغان طریقه ده ییغلاغان آواز ایشیتیلمیش دور42١٤نچی محمد علیه السلام نینک همه دن کتته راق معجزه لاری کلام شریف دور43چونکه کلام شریف غایتده فصیح و بلیغ دور44آدم فرزندیغه دنیا راحتی اوچون و آخرت سعادتیغه کیرک بولا تورغان حکم و نظام لار نینک همه سی انده بار دور45شول سبب دن کلام شریف محمد علیه السلام نینک اوزلاری ترتیب قیلغان سوز یعنی کلام شریف آدم سوزی بولمک هیچ احتمالی یوقتور46البته شبهه سیز الله طرفیدن کیلکان سوزلاردور47الله تعالی طرفیدن کلام شریف کیلمکی البته بر اولوغ معجزه دور48س پیغمبرمیز محمد علیه السلام نینک آتا و بابالاری کیم دورلار49ج محمد علیه السلام نینک آتالاری عبد الله ناملیک دور انینک آتاسی عبد المطّلب ناملیک دور50انینک آتاسی هاشم ناملیک دور انینک آتاسی عبد مناف ناملیک دور51س محمد علیه السلام نینک آنالاری نیچوک ناملیک دور52ج آمنه ناملیک دور وهب ناملیک کیشی نینک قیزی دور53س محمد علیه السلام نینک اوّل آلغان خاتونلاری کیم دور54ج حضرت خدیجهٔ کبری رضی الله تعالی عنها دورلار55س محمد علیه السلام نینک نیچه عدد فرزندلاری بار دور56ج اوچ اوغول لاری و تورت قیزلاری بار دور57اوغول لاری قاسم ابراهیم عبد الله ناملیک دورلار و قیزلاری رقیه زینب امّ کلثوم فاطمه ناملیک دورلار رضی الله تعالی عنهم58پیغمبرمیز محمد علیه السلام نینک جمیع احوال لاری تاریخ انبیا کتابلارده تفصیلاً بیان قیلنمیش دورOldingiMuhammad alayhissalotu vassalom bayoniKeyingiSahobalar bayoni