Ibodati islomiyaقیامت کونی بیانیQiyomat kuni bayoni29 satrKitobda: 25-26-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 25-bet‹›1قیامت کونی بیانی2سوال دنیا مخلوقاتی تماماً هلاک بولغاندن سونکره نه بولادور3جواب اندن سونکره قیامت کونی بولادور4س قیامت کونیده نه حادثه لار بولادور5ج الله تعالی آدم لارنی ینکیدن تیریکیزادور6شول طریقه برله قبرلارده و بشقه یرلارده چوروکان هر طرفغه تارقالغان بدن لار و جسدلار الله تعالی نینک قدرتی برله یغیلیب7هر قیو عضالاری بر بیریغه متصل بولوب هر کیم نی جسدی اولکی تیریکلیک وقتینکی دیک بولادور8س اندن سونکره نه بولادور9ج الله تعالی همه دن ایلکاری اسرافیل علیه السلام نی تیرکوزوب انکا صورنی ایکنچی مرتبه اورمک نی امر قیلور10س اندن سونکره نه بولور11ج اندن سونکره هر بر بنده اوز جسدلارینی اختاریب تاپیب هر جسدغه اوزی نینک جانی کیرادور12پس شوندن سونکره قبرلارنینک اوستی آچیلیب هر کیشی گویا اویقودن اویغانغان ییک بولوب تیریلوب قبرلاریدین یر اوستیغه چیقادورلار13س قبرلاریدین چیقغان کیشی لار قیو یرغه بارورلار14ج همه لاری محشر میدانیغه جمع بولورلار15س محشر میدانی نه طریقه یردور16ج بنده لارنینک دنیاده قیلغان ایشلاری حساب و تفتیش قیلینادورغان یردور17س محشر میدانیده نه ایشلار بولادور18ج هر بنده غه دنیاده قیلغان عمل لارینی یازیلغان دفترلارینی بیریلوب قیلغان عمل لارینی هر قیولاری نینک اوزلاریغه معلوم قیلینور19و هر کیم نینک عملی عدل لیک و توغری لیک میزانی و ترازوسی برله اولچانوب حساب قیلینور20کیم نینک جنتغه کیرماگی لازم و کیم نینک دوزخغه کیرماگی لازم هر قیوسی نینک تعیین قیلینور21س محشرده بنده لارنینک عمل لارینی کیم لار حساب و تفتیش قیلورلار22ج الله تعالی طرفیدن بویورلغان موکّل و وکیل فرشته لار حساب و تفتیش قیلورلار23س بنده لار حساب قیلینغاندن سونکره محشردن قیو یرغه بارورلار24ج جهنم اوستیغه قورولمیش صراط آتلیغ کوپروک نینک یانیغه بارورلار25هر قیوسی صراط کوپروکدن اوتوب جنت طرفیغه اوتمکنی آرزو قیلورلار26س صراطدن کیم لار اوتماقغه قادر بولوب اوتارلار27ج هر بر ایمانلیک صالح کیشی لار و هم گناه لارینی عفو قیلینغان مؤمن بنده لار غایتده آسانلیق برلا اوتوب جنتغه کیرورلار28س صراط کوپروکدن اوته آلمغان کیشی لار قیو یرغه بارورلار29ج هر قیولاری صراط کوپروک آستیغه جهنمغه توشوب کیتورلارOldingiOxir zamon bayoniKeyingiJannat va jahannam bayoni