Ibodati islomiyaمجتهد مذهبMujtahid mazhab44 satrKitobda: 38-40-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 38-bet‹›1مجتهد مذهب2سوال نیچوک کیشی نینک مجتهد آتالور3جواب عربی تیل نینک هر بر معنی و سرلاری نینک بیلیب غایتده کامل عالم بولوب آیت و حدیث لارنینک حکمت و سرلاری نینک تحقیقی بیلادور عالم بولغاندن سونکره4کامل اجتهاد برله دین مسئله لاری نینک هر قیوسی نینک فکر و اندیشه قیلغان کیشی مجتهد بولادور5س مجتهد بولمغان و مجتهد لیک مرتبه سیغه یتمغان کیشی لار شریعت حکم لارینی نیچوک بیلورلار و معیشت ده و هم عبادت ده نه طریقه عمل قیلورلار6ج بر مجتهد نینک مذهبیغه تابع بولوب هر مسئله ده شول مجتهد نینک مذهبی برله عمل قیلورلار7س مذهب معناسی نه دور8ج مجتهد نینک شریعت حکم لاریده آیت و حدیث لاردن اجتهاد برله فکر قیلیب انکلاغان یولی دیکان معناسنده دور9س مشهور مجتهدلار نیچه عدد دورلار10ج تورت عدد دورلار11س کیم لاردور12ج ١نچی ابو حنیفه امام اعظم ثابت ابن نعمان رحمة الله علیه ٢نچی امام شافعی محمد ابن ادریس رحمة الله علیه ٣نچی امام مالک ابن انس رحمة الله علیه ٤نچی امام احمد ابن حنبل رحمة الله علیه13س اوشبو مجتهدلارنینک مذهب لاری بر بریغه موافق می دور یا که مخالف میدور14ج کوب مسئله لارده موافق دور مخالف بولغان مسئله لاری هم بار دور لکن الار کوب ایمس دور15س اوشبو مجتهدلار قیو مسئله لارده بر بریغه مخالف دورلار16ج مثلاً امام اعظم ابو حنیفه مذهبیده بدن دن سیلان قیلغودیک قان چیقسه طهارت نینک بوزادور امام شافعی نینک مذهبیده طهارت نی بوزمایدور17امام اعظم ابو حنیفه نینک مذهبیده ایرکاک کیشی خاتون نینک بدنی نینک اوشلامکی طهارت نی بوزمایدور امام شافعی مذهبیده بوزادور18امام اعظم مذهبیده گوشتی حرام بولغان حیوانلارنینک تیریلاری بوغزلانسه یا آشلانسه پاک بولادور امام شافعی مذهبیده پاک بولمس19و ینه تولکی و … گوشتلاری امام اعظم مذهبیده حرام دور و امام شافعی مذهبیده حلال دور20شولارغه اوخشاش اختلاف لیک مسئله لار کوب دور هر قیوسی علم فقه کتابلاری نینک اولوغلاریده تفصیلاً بیان قیلنمیش دور21س اوشبو امام لار نیچوک کیشی لاردور22ج هر قیوسی غایت ده کامل عقل لیک و زیرک و نهایت کامل عالم و پرهیزلیک کیشی دور23و هر قیوسی قرآن ده کی آیت لارنی و حدیث لارنی یخشی اجتهاد برله مطالعه قیلیب انکلامیش لار24و آیت لارنی و حدیث لارنی تحقیق فهم ایتکاندن سونکره هر بر شریعت حکم لارینی شول آیت و حدیث لاردن فهملاغانلارینچه بیان قیلمیش لار25س اوشبو امام لارنینک قیوسینی مذهبی حق دور26ج هر بر مسئله ده امام اعظم رحمة الله علیه نینک مذهبی حق دور27و شافعی لارنینک مذهب لاری بعضی مسئله لارده بزلارغه خطا کورونور28و خلاف لیک مسئله لارده الارنینک مذهب لاری نینک ظاهراً خطا دیب بیلسه هم حق بولمک احتمالی هم بار دور29س بزلار اوزلاریمیز عمل ده اوشبو مذهب لارنینک قیوسینده دورمیز30ج بزلار امام اعظم ابو حنیفه حضرت لارینی مذهب لاریده دورمیز و معیشت و عبادت حکم لاری نینک هر قیوسیده انینک مذهبی برله عمل قیلورمیز31س امام شافعی و امام مالک و امام احمد ابن حنبل مذهب لاریده بولغان مسلمان لار هم بارمی32ج بار دورلار مسلمان لار نینک کوبراغی امام اعظم ابو حنیفه مذهبیده بولسه هم اوچ امام نینک مذهب لاریده بولغان مسلمان لار هم بار دور33مکهٔ مکرمه ده اوشبو تورت مذهب اهالی نینک هر قیوسی نینک اوزلاریغه مخصوص امام لاری بار دور34مسجد حرام ایچینده کعبة الله اطرافینده هر کون بیش وقت نمازنی تورت مذهب اهلی تورت طرفده آیریلوب هر قیولاری اوز امام لاری برله اوقومکده دورلار35س امام اعظم دن باشقه اوچ امام نینک مذهب لاریده بولغان مسلمان لار نینک مسلمان لیق لاریده کم لیک یوقمیدور36ج کم لیک یوقدور هر قیوسی کامل مؤمن مسلمان دور37هر مذهب نینک اهلی ایکینچی مذهب نینک اهلی نینک دوست و یقین توتمکلیکی لازم دور38بر بر لارینی دشمن توتمک لاری اصلا درست ایمس دور39چونکه مسلمان لار هر قیولاری بر برلاریغه قرینداش و برادر دورلار40س اوشبو امام لار قیسی یل لارده توغولوب قیسی یل لارده وفات ایتکان دورلار41ج امام اعظم ابو حنیفه حضرت لاری ٨٠نچی تاریخ هجریه ده توغولمیش دور ١٥٠نچی تاریخ ده ٧٠نچی یاشیده وفات ایتمیش دور42امام شافعی حضرت لاری ١٥٠نچی تاریخ ده توغولمیش دور ٢٠٤نچی تاریخ ده ٥٤نچی یاشیده وفات ایتمیش دور43امام مالک حضرت لاری ٩٠نچی تاریخ ده توغولمیش دور ١٧٩نچی تاریخ ده ٧٩نچی یاشیده وفات ایتمیش دور44امام احمد ابن حنبل حضرت لاری ١٦٤نچی تاریخ ده توغولمیش دور ٢٤١نچی تاریخ ده ٧٧نچی یاشیده وفات ایتمیش دورOldingiAhkomi shariyya bayoniKeyingiBirinchi juzʼ tamom