Ibodati islomiyaمسحی غه و اوتوکغه مسح تارتمک بیانیMahsigʻa va etikka masah tortmak bayoni49 satrKitobda: 47-49-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 47-bet‹›1مسحی غه و اوتوکغه مسح تارتمک بیانی2سوال طهارت برله مسحی و یا اوتوک کیغان کیشی ایکینچی طهارت قیلمکده ایاقینی یومک کیرک بولورمی3ج یومک کیرک ایرمس بلکه مسح تارتار قویار4س قیو طریقه مسحی و اوتوکغه مسح تارتیلور5ج طهارت برله کییلغان مسحی و اوتوکغه مسح تارتیلور6س مسحی و اوتوک لارغه نه طریقه مسح تارتیلور7ج ایکی قول پنجه لارینی تاموب تورغودیک یخشیلاب سولاب ایاق بارمق طرفیدن باشلاب مسحی و یا اوتوک یوزیغه اوچ اورته بارمقنی باسیب توفق طرفغه تارتیلور8اندن سونکره مسحی یوزیده لا اقل اوچ بارمق برابریچه نم خط پیدا بولور9مسح تارتمک طریقی اوشبو دور10س طهارت برله کییلغان مسحی غه نیچه کونغچه مسح تارتیلور11ج مقیم کشی یعنی سفرده بولمغان کشی بر کیچه کوندوزغچه یعنی یکرمه تورت ساعتغچه مسح تارتادور12اما مسافر کشی یعنی اوچ کون اورته یوروش برله یورادورغان سفرغه چیققان کیشی اوچ کیچه کوندوز یعنی یتمیش ایکی ساعتغچه مسح تارتادور13س یکرمه تورت ساعت یا یتمیش ایکی ساعت مسحی نینک کییلغان وقتیدن حساب قیلنورمی14ج اول طریقه ایمس بلکه مسحی نینک کییمک اوچون قیلینغان طهارت نینک بوزولغان وقتیدن حساب قیلینور15س مسحی و اوتوکدن باشقه نرسه غه هم مسح تارتمک درست بولورمی16ج طهارت برله کییلغان نمطدن بولغان اوتوکغه و هم قالین پایپاقغه و هم اوتوک و یا مسحی نی اوستیدن کییلغان اوتوک و مسحی غه و هم توفقنی بیرکیتیب تورادورغان قونجلیک کالوش لارغه مسح تارتمک درست بولور17س تیشیلغان یا یرتیلغان مسحی غه مسح تارتمک درست بولورمی18ج تیشوکیدن ایاق نینک اوچ کیچکینه بارماق لاری کورونادورغان یا سیغادورغان مقداریچه بولسه مسح تارتمک درست بولمس19اما اندک کم بولسه درست بولور20س بر پای مسحی ده ایکی اوچ یرده کیچیک راق تیشیک لار بولسه مسح تارتمک درست بولورمی21ج همه سینی جمع قیلغانده اوچ بارماق کورونور مقداریچه بولسه مسح تارتمک درست بولمس22اگر کورونمغودیک بولسه درست بولور23س ایکی مسحی ده کی تیشوک لارنینک جمع قیلیب حساب قیلینورمی24ج جمع قیلیب حساب قیلینمس25س مسحی نینک توفوقدن یوقاری پاچه لاریده تیشوک لار بولسه اول مسحی غه مسح تارتیلورمی26ج مسح تارتیلور چونکه توفوقدن یوقاریده بولغان تیشوک لارنی ضرری یوقدور27س قیو طریقه مسحی غه مسح تارتیب بولمس28ج مدتی تمام بولغان مسحی غه مسح تارتیب بولمس29و ینه ایاق نینک تاوانی مسحی نینک قونجیغه چیقسه هم مسح تارتیب بولمس30س مسح نینک مدتی تمام بولسه ایکینچی مسح تارتمک ممکن بولمک اوچون نه قیلمک کیرک بولور31ج اگر طهارت لیک وقتده بولسه مسحی نینک تارتیب آلیب فقط ایاقینی اوزینی یوب مسحی نینک کیمک کیرک32اگر طهارت سیز وقتده بولسه طهارت نی کامل و بوتون قیلمک کیرک بولور33س بر پای مسحی اوچ بارماق کورونغودیک تیشیلسه و یا بر ایاقنی تاوانی مسحی نینک قونجی طرفیغه چیقسه ایکینچی مسحی غه مسح تارتمک درست بولورمی34ج درست بولمس بلکه ایکی ایاقنی یومک لازم بولور35س بر کیشی طهارت قیلیب مسحی و یا اوتوک کییسه هنوز طهارتی کیتماسدن مسحی و یا اوتوکنی تارتیب آلسه باز طهارت لیک حالده ایکینچی کیمک بولسه ایاقینی یومک کیرک بولورمی36ج یومک کیرک بولمس37س اگر طهارت ده یا غسل ده یومکی لازم بولغان اعضا نینک بر جاییده جراحت بولوب اول جراحتغه سو تیکورمک و یا مسح تارتمک ضرر قیلادورغان بولسه نیچوک عمل قیلینور38ج اوستیغه جبیره یعنی لته و یا کاغذغه اوخشاش بر نمرسه قویوب شول نمرسه نینک اوستیغه مسح تارتیلور39س جبیره غه مسح تارتمکغه انینک آستی طهارت لیک وقتده جراحت نینک اوستیغه قویمک کیرک بولورمی40ج مسح تارتمک اوچون طهارت درکار بولمس41طهارت سیز وقتده جبیره جراحتغه قویولغان بولسه هم مسح تارتیب بولور42س جبیره آستیده بیرکیلیب قالغان جراحت سیز سلامت جایلارنی یومک کیرک بولورمی43ج اگر جبیره نینک کوتارمک جراحتغه ضرر قیلغودیک بولسه یوماسدن جبیره اوستیغه مسح تارتمک اوشل جایلارنی یومک حکمنده دور44اگر جبیره نی کوتاریب سلامت جایغه سو تیکورمک بی ضرر بولسه اوشل سلامت جایغه سو تیماسدن قالیب جبیره غه مسح تارتمک درست ایمس45س جبیره قوزغالوب توشوب کیتسه مسحی بوزولورمی46ج اگر جراحت توزالوب توشسه مسحی بوزولور جراحت اورنینی سو برله یومک لازم بولور47و اگر توزالمسدن ایلکاری توشوب کیتسه مسحی بوزولمس48س یومکی لازم اعضانینک جراحتیغه سو تیکورمک لیک ضرر قیلادورغان بولسه اما مسح تارتمک ضرر قیلماغودیک بولسه نه عمل قیلینور49ج قولینی سولاب جراحت نینک اوستیغه جبیره قویماسدن مسح تارتادورOldingiBetahorat kishini bayoniKeyingiGʻusl