Ibodati islomiyaجنت و جهنم بیانیJannat va jahannam bayoni59 satrKitobda: 26-29-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 26-bet‹›1جنت و جهنم بیانی2سوال جنت قیو طریقه یردور3جواب جنت نهایتده راحتلیک یردور4انکا کیرکان بنده لار هر قیولاری عجیب لذتلیک نعمت لار ایلان حرمت قیلینورلار5الله تعالی انده یخشی زینتلیک حولی لار خوش هوا باغلار و هر تورلوک لذتلیک طعام و شیرین سولار و هر تورلوک لذتلیک شراب لار و چشمه لار خلق قیلمیش دور6بولاردن بشقه جنتده هر تورلوک عجیب حرمت و نعمت لار بولادور7الارنی تیل برله ایتیب و قلم برله یازیب تمام قیلمک ممکن ایمس دور8س جنتده همه دن زور و عجیب واقعه نه دور9ج جنتغه توشکان هر بر مؤمن بنده لارغه الله تعالی نی کورمک لاری دور10س الله تعالی نی بنده لار نه طریقه کورادورلار11ج الله تعالی نینک کورونمک طریقه سی بزلارغه معلوم ایمس12شول طریقه بولسه هم الله تعالی نی جنتده کورمکلیکمیزغه اینانمق لازم و واجب دور13س جهنم قیو طریقه یردور14ج جهنم غایتده قباحتلیک و مشقتلیک یردور15انده کیرکان آدم لار اوت برله و بشقه هر خیل آغیر عذاب لار برله عذاب قیلینادورلار16زبانی ناملیک عذاب فرشته لاری انکا کیرکان کیشیغه هیچ اچینمای غایتده قتیغ عذاب لار برله عذاب قیلورلار17س جنتغه نیچوک کیشی لار کیرورلار18ج دنیاده الله تعالی بویورغان عمل لارنی وقتیده ادا قیلیب الله تعالی منع قیلغان عمل لاردن توختالغان ایمانلیک صالح و دیانتلیک کیشی لار کیرورلار19و هم گناه لاری عفو قیلینغان مؤمن بنده لار هم کیرورلار20س جهنمغه نیچوک کیشی لار کیرورلار21ج هر بر کافرلار و هم دنیاده وقتی برلان الله تعالی بویورغان عمل لارنی قیلمغان و الله تعالی منع قیلغان عمل لارنی قیلیب گنه کار بولغان فاسق و دیانتسیز کیشی لار کیرورلار22س جنتغه کیرکان کیشی لار بیر وقتده اندن چیقارلارمی یا جنتده دائمی قالورلارمی23ج جنتغه کیرکان کیشی لار هیچ وقت اندن چیقماسلار و انده همیشه قالورلار و هم انده هلاک بولمک و اولوم یوقتور24س جهنمغه کیرکان کیشی لار بر وقت چیقارلارمی یا دائما قالورلارمی25ج ایمانسیز کیشی لار جهنمده همیشه قالورلار الارده هیچ اولمک یوقتور جهنمده اولوم یوقتور26اما گناه لاری عفو قیلینماسدن کیرکان عاصی مؤمن بنده لار گناه لاری مقدارینچه جزا برله جهنمده قالورلار27جزالاری تمام بولغاندن سونکره اندن چیقادورلار28دوزخدن چیقغاندن سونکره الار هم جنتغه کیروب گناهسیز کیشی لار دیک جنتده همیشه قالورلار29گناهلیک بنده لار30سوال دین اسلام نینک حق لیغیغه و انده بولغان ایتقادی لازم مسئله لارنی هر قیوسیغه دلی برله اعتقاد قیلیب لکن اوزی نینک سقلا یالمای گناه عمل لارنی قیلغان کیشی مؤمن و مسلمانلیغیدن چیقادیمی یا چیقماسمی31جواب مؤمن و مسلمان لیغیدن چیقماس یا مؤمن و مسلمانلیغیده قالیب هم فاسق گنه کار دیوب آتالور32س فاسق کیمدور33ج گناهلیک کیشی دور34س گناه عمل لارنی قیلوب فاسق بولغان کیشی لار دوزخ عذابیدن قوتولماقلارینی احتمالی بارمی35ج احتمالی باردور الله تعالی گناه لارینی عفو قیلغان بعضی بنده لار دوزخغه اصلا کیرماسدن جنتغه کیرماک احتمالی باردور36س الله تعالی بعض گناه لارنی عفو قیلورمی37ج اگر خواهلاسه فضل و کرمی برله عفو قیلور38س الله تعالی نیچوک گناه لارنی عفو قیلور39ج الله تعالی خواهلاسه هر گناهنی عفو قیلماق اختیاریده دور40ولکن الله تعالی عادل دور عادل بولغانی اوچون حرام غیر ظلمی بولغان گناه لارنی عفو قیلور41اما حرام ظلمی دیوب آتالادورغان گناهلارنی ظلم تیکان مظلوم بولغان کیشی راضی بولسه اول وقتده حرام ظلمی بولغان گناهلارنی هم الله تعالی خواهلاسه عفو قیلور42س حرام ظلمی دیوب آتالادورغان گناه لار نیچوک گناه لاردور43ج قیلغوچی کیشی نینک اوزیدین بشقه کیشیغه جور و ظلم تیادورغان گناهلاردور44س نیچوک عمل لارغه اوخشاش دور45ج مثلا کیشینی اولدورمک و قینامک و یمان الفاظلار برله سوکمک کیشی نینک مالی نینک اوغورلاب یا فریب برله آلمک و شولارغه اوخشاش عمل لاردور46س حرام غیر ظلمی دیوب نیچوک گناه لارنی ایتورلار47ج مثلا حرام طعام لارنی ییمک و حرام ایچکولوک لارنی ایچمک و زنا قیلمک و شولارغه اوخشاش عمل لاردور48س الله تعالی نیچوک کیشی لارنی گناه لارینی عفو قیلور49ج دنیاده توبه مقبول بولادورغان وقتده چین اخلاص برله توبه قیلغان کیشی نینک گناهلارینی عفو قیلمککه الله تعالی وعده قیلمیش دور50س قیلغان گناهلاریدن دنیاده وقتی برلان توبه قیلالمای وفات قیلغان مؤمن لارنینک گناهلارینی عفو قیلیناق احتمالی بارمی51ج باردور پیغمبرلارنینک و بشقه صالح کیشی لارنینک شفاعتلاری سبب بولوب کوب کیشی لارنینک گناهلارینی عفو قیلینمغی احتمال دور52بزنینک پیغمبریمیز محمد علیه السلام شفیع المذنبین یعنی گنه کارلارنی شفاعت قیلغوچی دورلار53فرض و واجب عمل لارنی قیلغاندن سونکره سنت عمل لارنی هم کوب قیلغان کیشی لارنی محمد علیه السلام شفاعت قیلورلار54س پیغمبرلارنینک و بشقه صالح کیشی لارنینک شفاعت لاریدین محروم بولغان گنه کار کیشی لارنینک هم گناه لارینی عفو قیلینورمی55ج عفو قیلینماغی احتمال دور الله تعالی غفور دور56بی توبه گناهلیک وفات قیلغان کیشی لارنینک هم بعضی لاری نینک گناه لارینی خواهلاسه اوز فضلی و رحمتی برله عفو قیلماقغه الله تعالی قادر و اختیارلیک دور57لکن الله تعالی نینک عفو قیلماقلیغیغه اعتماد قیلیب گناه عمل لارنی قیلمق هیچ درست ایمس58چونکیم الله تعالی نینک غفورلیغی دیک قهارلیغی هم باردور59الله تعالی عادل لیک و قهارلیک صفتی برله گناهلیک بنده نی قتیغ عذاب برله عذاب هم قیلادورOldingiQiyomat kuni bayoniKeyingiHazrat Odam va Havvo alayhimassalom bayoni