Ibodati islomiyaعمل بیانیAmal bayoni61 satrKitobda: 3-5-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 3-bet‹›1عمل بیانی2سوال عمل نه دور3جواب بنده نینک قیلغان ایشیدور4س بنده نینک عملی نیچه قسم دور5ج همه سی سکز قسم دور6س قیو نیمرسه لار دور7ج برنچی فرض ایکنچی واجب اوچونچی سنت تورتنچی مستحب بیشنچی مباح آلتنچی حرام یتنچی مکروه سکزنچی مستکره8س اوشبو سکز قسم عمللارنی قیلمک ضرورمی و یا قیلماسلیک ضرورمی9ج بعضی سینی قیلمک ضرور و بعضی سینی قیلماسلیک ضرور و بعضی سینی قیلمکی هم درست قیلماسلیکی هم درست10س فرض نیچوک عمل دور11ج فرض شول طریقه عمل دورکه دین اسلامده آنینک قیلمکلیغیغه امر قیلنمیشدور12فرض عملنی قیلغان کیشی ثواب تاپار بی عذر قیلماغان کیشی گنه کار بولور13فرض عملنی ضرورلیغیغه اینانماغان کیشی کافر و ایمانسیز بولور14س فرض عمل قیو نیمرسه لارغه اوخشاش دور15ج الله تعالی غه ایمان کیلتوروب دین اسلامنی حقلیغیغه اینانمق16هر کون بیش وقت نماز اوقومک رمضان آییده هر کون روزه توتمک زکوة بیرمک حج قیلمکغه اوخشاش دور17س واجب نیچوک عمل دور18ج واجب شول طریقه عمل دورکه دین اسلامده آنینک قیلمکلیغیغه امر قیلنمیشدور19واجب عملنی قیلغان کیشی ثواب تاپار بی عذر ترک قیلغان کیشی گنه کار بولور20واجب عملنینک ضرورلیغیغه اینانماغان کیشی کافر و بی ایمان بولمسه هم قتیغ گنه کار بولور21س واجب عمل قیو نیمرسه لارغه اوخشاش دور22ج وتر نمازینی اوقومک عید نمازلارینی اوقومک صدقهٔ فطر بیرمک قربانلیک سویمک23قرآنده آیت سجده اوقولغان حالده سجدهٔ تلاوه قیلمکغه اوخشاشلیک24س سنت نیچوک عمل دور25ج پیغمبریمیز محمد علیه السلام کوب وقتلارده قیلغان عمللاری دور26سنت عملنی قیلغان کیشی ثواب تاپار قیلماغان کیشی گنه کار بولمسه هم قیامت کونیده عتاب ملامتغه قالور و هم پیغمبریمیز شفاعتلاریغه لایق بولماس27س سنت عمل قیو نیمرسه لارغه اوخشاش دور28ج یخشی عمللارنی بسم الله الرحمن الرحیم برله باشلامک مؤمن کیشی لارغه سلام بیرمک29قرآن اوقورده اعوذ بالله من الشیطان الرجیم برله باشلامکغه اوخشاش دور30س مستحب نیچوک عمل دور31ج مستحب شول طریقه عمل دورکه پیغمبر محمد علیه السلام بعضی وقت قیلیب بعضی وقت قیلماغان عمللاری32انینک قیلغان کیشی ثواب تاپار قیلماغان کیشی گنه کار بولماس و هم قیامت کونیده عتاب ملامتغه قالماس33س مستحب قیو نیمرسه لارغه اوخشاش دور34ج نفل نمازلار اوقومک نفل روزه لار توتمک نفل صدقه لار بیرمک طهارت برله یورمکغه اوخشاش دور35س مباح نیچوک عمل دور36ج مباح شول طریقه عمل دورکه انینک قیلمکلیکی هم درست قیلماسلیکی هم درست37مباح عملنی قیلغان کیشی هم قیلماغان کیشی هم ثواب تاپماس و گنه کار هم بولماس38مباح عملنی قیلمک قیلماسلیک بنده نینک اختیاریده دور خواهلاسه قیلور خواهلاسه قیلماس39س مباح قیو نیمرسه لارکا اوخشاش دور40ج حلال طعاملارنی تویغونچه یمک حلال ایچادورغان نیمرسه لارنی تویغونچه ایچمک41و تورلک تورلک یورمک ضررسیز سوزلارنی سوزلامکغه اوخشاش دور42س حرام نیچوک عمل دور43ج حرام شول طریقه عمل دورکه دین اسلامده انینک قیلماکدین منع قیلنمیشدور انینک قیلمک هیچ درست ایماس44حرام عملنی الله تعالیدن قورقوب قیلماغان کیشی ثواب تاپار و انینک قیلغان کیشی قتیغ گنه کار بولور45و انینک حلال دیگان کیشی کافر و ایمانسیز بولور46س حرام عمل قیو نیمرسه لارغه اوخشاش دور47ج ناحق آدم اولدورمک آدمغه و یا نه حیوانغه ظلم قیلمک غیبت قیلمک اوغرلیک قیلمک یالغان سوز سوزلامک خمر ایچمک زنا قیلمکغه اوخشاش دور48و حرام متفق علیهنی حلال دیگان کیشی کافر بولور49س مکروه عمل نیچوک عمل دور50ج مکروه شول طریقه عمل دورکه دین اسلامده انینک قیلمکدین منع قیلنمیشدور51مکروه عملنی قیلماغان کیشی ثواب تاپار و انینک قیلغان کیشی غه عذاب نینک احتمالی بار دور52مکروه نی حلال دیگان کیشی کافر بولمسه هم بر آز گنه کار بولور53س مکروه عمللار قیو نیمرسه لارغه اوخشاش دور54ج مسجدغه توفلامک نغمه لارغه قولاق سالمک و قزیق اویونلارنی تماشا قیلمک تیاترلارغه کیرمک55بی ادبانه غزللارنی اوقوب حافظلیک قیلمک آدملارنینک میانه سیده مسخره بازلیک قیلمکغه اوخشاش فعاللاردور56س مستکره نیچوک عمل دور57ج مستکره شول طریقه عمل دورکه اولوغ صالح امام لار انینک قیلمکلیکنی یخشی کورمایدورلار58و انی قیلمکدین قیلماسلیکی اولیراق دور59مستکره عملنی قیلغان کیشی گنه کار بولمسه هم بی ادب آتالور قیامت کونیده عتابکا قالمک احتمالی هم بار دور60س مستکره عمل قیو نیمرسه لارغه اوخشاش دور61ج طعام یمکده لقمه نی کتّه آلمک بازارده کوچه ده طعام یمک بلند آواز برله کیکیرمک و آواز برله ایسنامکغه اوخشاش دورOldingiIymon va islom bayoniKeyingiBoligʻ va oqil bayoni