Ibodati islomiyaالله تعالی غه ایمان کیلتورمک بیانیAlloh taologʻa iymon keltirmak bayoni152 satrKitobda: 7-12-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 7-bet‹›1الله تعالی غه ایمان کیلتورمک بیانی2سوال الله تعالی غه نه طریقه اینانمک لازم دور3جواب الله تعالی نینک بارلیغیغه و برلیغیغه و همه کته یخشی صفتلاریغه اینانمک لازم دور4س الله تعالی نینک حقیقی ذاتی نینک بیلیب بولورمی5ج الله تعالی نینک ذاتی نی بیلیب بولمک ممکن ایمس6بیلکغه بنده لارنینک عقلی نینک قوتی یتمیس7س بزلارغه الله تعالی نینک نه طریقه بیلمک ممکن دور8ج اسم و صفتلاری برله بیلمک ممکن دور9س الله تعالی نی اسم و صفت لاری برله نیچوک بیلورمیز10ج اوشبو طریقه بیلورمیز الله تعالی مَوجُود دور قَدِیم دور باقِی دور اَحَد دور حَیّ دور عالِم دور سَمِیع دور بَصِیر دور مُتَکَلِّم دور قادِر دور مُرِید دور11خالِق دور مُختار دور عَظِیم دور جَمِیل دور حَمِید دور قُدُّوس دور رَبّ دور رَحمٰن دور رَحِیم دور شَکُور دور قَهّار دور عَدل دور12صَبُور دور تَوّاب دور غَفُور دور مُجِیب دور نَصِیر دور حَکِیم دور غَنِیّ دور کَرِیم دور رَزّاق دور مَعبُود دور هادِی دور13س الله نه دور14ج عالَم نینک پیدا قیلغوچی معبود برحق بولغان ذات نینک آتیدور15فارسیچه آتی خدای دور ترکیچه آتی تنکری دور16س الله تعالی نینک بو ندین بشقه اسم لاری هم بارمی17ج باردور کته کتاب لارده الله تعالی نینک توقسان توقوز اسمی بار دیب بیان قیلینمش دور18بو کتابده اوتوز بیش اسمی و صفتی یازیلمیش دور19س موجود معناسی نه دور20ج بار بولغوچی دیگان معناسنده دور21الله تعالی باردور بارلیغی هیچ بر نمرسه غه محتاج ایمس دور اوز اوزیدین باردور22بشقه بار بولغان نمرسه لار بول طریقه ایمس بلکه بار بولمقده بار قیلغوچی غه محتاج بولور23س قدیم معناسی نه دور24ج بارلیغی نینک اوّلی یوق دیگان معناسنده دور25الله تعالی نینک بارلیغی نینک اوّلی یوقتور26بشقه نمرسه لارغه اوخشاش اوّلده یوق سونکره بار بولغان ایمس دور بلکه دایما باردور27س باقی معناسی نه دور28ج بارلیغی نینک آخری یوق دیگان معناسنده دور29الله تعالی باقی دور دنیا مخلوقاتیغه اوخشاب فانی و یوق بولمس30یعنی الله تعالی آخر بر یوق بولغوچی ایمس بلکه الله تعالی دایما بارلیکده دور31س احد معناسی نه دور32ج بر دور دیگان معناسنده دور33الله تعالی بر دور هیچ شریکی یوقتور34س حی معناسی نه دور35ج تیریک دیگان معناسنده دور36تیریکلیکی بزلار دیک جان و بدن برله ایمس دور بلکه اوزی نینک حیات صفتی برله دور37س عالِم معناسی نه دور38ج بیلغوچی دیگان معناسنده دور39الله تعالی هر نمرسه نی بیلادور بولغان نمرسه لارنینک هم بیلادور من بعد بولادورغان نمرسه لارنی هم بیلادور40و هر قیوسی الله تعالی غه معلوم دور هیچ الله تعالی غه معلوم بولمغان نمرسه یوقدور41الله تعالی نینک بیلمک لیغی بزلارکا اوخشاب اورگانمک ایله و یا فکر قیلمک ایله ایمس دور بلکه اوزی نینک علم صفتی برله دور42س سمیع معناسی نه دور43ج ایشیتکوچی دیگان معناسنده دور44هر بر آوازلارنی ایشیتادور ایشیتمک لیغی بزلار دیک قولاق برله ایمس دور بلکه اوزی نینک سمع صفتی برله دور45س بصیر معناسی نه دور46ج کورگوچی دیگان معناسنده دور47الله تعالی هر نمرسه نی کورادور کورماک لیغی بزلارنینک کوزیمیز دیک کوز برله ایمس دور بلکه اوزی نینک بصر صفتی برله دور48س متکلم معناسی نه دور49ج سوزلاغوچی دیگان معناسنده دور50الله تعالی سوزلاغوچی دور مثلاً مُصحف شریف و قرآنِ کریم ده یازیلمیش سوزلار هر قیوسی الله تعالی نینک سوزلاریدور51سوزلامکی بزلار دیک آغز برله تیل برله آواز برله حرف برله ایمس دور بلکه اوزی نینک کلام صفتی برله دور52س قادر معناسی نه دور53ج کوچلیک و کوچی یتکوچی دیگان معناسنده دور54الله تعالی نینک هر نمرسه غه کوچی یتادور و هر بر ایشنی قیلماقغه قادر دور55هیچ الله تعالی نینک کوچی یتمای دورغان نمرسه یوقتور56الله تعالی نینک کوچلیک بولمک لیغی بزلار دیک اعضا برله ایمس دور بلکه اوزی نینک قدرت صفتی برله دور57س مرید معناسی نه دور58ج خواهلاغوچی دیگان معناسنده دور59الله تعالی خواهلامغان نمرسه هیچ بار بولمس و اول خواهلامغان ایش هرگز قیلینماس60خواهلامک لیغی اوزی نینک اراده صفتی برله دور61س خالق معناسی نه دور62ج بار قیلغوچی و بولدورغوچی دیگان معناسنده دور63عالمده هر بر نمرسه نی بار قیلغوچی و بولدورغوچی الله تعالی دور64بولدورمک لیغی اوزی نینک خلق صفتی برله دور65س مختار معناسی نه دور66ج اختیارلیک دیگان معناسنده دور67الله تعالی هر بر قیلغان ایشینی اوز اختیاری برله قیلادور هیچ بر ایشنی اختیارسیز زور کیلیب قیلمایدور68س عظیم معناسی نه دور69ج اولوغ و کته دیگان معناسنده دور70الله تعالی خوب اولوغ و بی نهایت کته دور هیچ الله تعالی دن کته ذات یوقتور71امّا انینک کته لیغی جسم و بدن و صورت و جهتدن ایمس بلکه مرتبه و قوت ده کته دور72س جمیل معناسی نه دور73ج کامل و صاحب جمال معناسنده دور74الله تعالی نینک ذاتی ده و هر بر صفتی ده نهایتسیز کاملیک و خوبلیک باردور75س حمید معناسی نه دور76ج توصیف قیلینغان و یخشیلانغان دیگان معناسنده دور77الله تعالی نینک ذاتی و هر بر صفت لاری و قیلغان ایشلاری غایتده عجیب و یخشیلانمکغه مناسب دور78س قدوس معناسی نه دور79ج هر بر نقصان و کملیکدن پاک و خالی دیگان معناسنده دور80الله تعالی نینک ذاتیده و هر بر صفتلاریده هیچ کمچلیک یوقتور81س رب معناسی نه دور82ج تربیت قیلغوچی پادشاه و خواجه دیگان معناسنده دور83همه عالمنی تربیت قیلغوچی بوتون عالمنی پادشاهی و خواجه سی الله تعالی دور84س رحمن معناسی نه دور85ج دنیاده رحمت قیلغوچی یعنی انعام و احسان قیلغوچی دیگان معناسنده86الله تعالی دنیاده همه حیوانلارغه و همه آدمیلارغه مؤمن لارغه و هم کافرلارغه هم گنه کار کیشی لارغه و گناهسیز کیشی لارغه رحمت قیلادور87کیشی نینک کافرلیغیغه و گنه کارلیغیغه قراب رزقینی کم بولمغی لازم ایمس دور88و یا مؤمن لیغیغه و یخشی لیغیغه قراب آرتوق بولمغی هم لازم ایمس دور89دنیا دولتیده هر بنده الله تعالی قاشیده برابر دور90خواهلاسه گناهلیک کیشیغه هم اوزی نینک جد جهدیغه موافق کوب نعمت بیرور91خواهلامسه هیچ بر گناهسیز یخشی کیشیغه اجتهاد و سعی قیلسه کوب نعمت بیرمس92س رحیم معناسی نه دور93ج آخرتده رحمت قیلغوچی دیگان معناسنده دور94الله تعالی آخرتده مؤمن کیشی لارغه رحمت قیلیب الارنی جنتغه داخل قیلادور95امّا ایمانسیز کیشی لارغه آخرتده رحمت یوقتور الار دوزخ کا داخل بولوب دایما عذابده بولورلار96س شکور معناسی نه دور97ج مؤمن بنده لارنینک قیلغان عبادت لاریغه اجر و ثواب بیرغوچی دیگان معناسنده دور98الله تعالی اوزی نینک فضلی و اختیاری برله یخشی عمل قیلغان ایمانلیک کیشی لارنینک هر قیولاریغه آخرتده اجر و ثواب بیرور99س قهار معناسی نه دور100ج قهر و جزا قیلغوچی دیگان معناسنده دور101الله تعالی ایمانسیز دینسیز بنده لارنی و هم گنه کار بنده لارنی قهر برله عذاب قیلادور102گنه کار مؤمن بنده لارنینک بعضی لاری نینک عفو هم قیلادور103س عدل معناسی نه دور104ج هر بر ایشنی و هر بر حکمنی راست و توغریلیق برله قیلغوچی دیگان معناسنده دور105الله تعالی غایتده توغری حکملیک دور هیچکیمغه ظلم قیلماس106آخرتده بنده لارنینک بعضی لاری نینک فضلی برله جنت نعمتلاری ایله حرمت قیلادور و بعضی گنه کارلارنی دوزخ عذابی برله عذاب قیلادور107اوشبو ایشلارنی هر قیوسی توغریلیک و کامل عدللیک برله بولادور108س صبور معناسی نه دور109ج صبر ایتکوچی و طاقت قیلغوچی دیگان معناسنده دور110الله تعالی گناهلیک بنده لارنینک گناهلاریغه صبر قیلادور کوب گناهلارنینک جزاسینی دنیاده بیرمیوب آخرتغه قالادور111س تواب معناسی نه دور112ج توبه لارنینک قبول قیلغوچی دیگان معناسنده دور113اگر بر گناهلیک مؤمن بنده چین اخلاصی برله پشیمان بولوب توبه قیلسه و اول گناهلارینی من بعد قیلماسلیکغه نیت قیلسه114الله تعالی انینک توبه سینی قبول قیلماقنی وعده قیلمیش دور115س غفور معناسی نه دور116ج گنه لارنی عفو ایتکوچی دیگان معناسنده دور117الله تعالی بعضی کیشی نینک گناهلارینی عفو قیلادور118توبه قیلغان کیشی لارنی هم و هیچ توبه قیلمغان کیشی لارنی هم گناهلاری نینک عفو قیلمک اوز اختیاریده دور119س مجیب معناسی نه دور120ج دعا و سوال لارنی قبول ایتکوچی دیگان معناسنده دور121الله تعالی اخلاص برله قیلغان دعالارنینک اوزی نینک حکمتیغه موافق بولسه قبول قیلادور122و اوزی نینک فضلی و رحمتی برله هر قیو بنده لارنینک سوراغان حاجتلارینی بیرادور123س نصیر معناسی نه دور124ج یاردم بیرغوچی دیگان معناسنده دور125الله تعالی خواهلاسه هر ایشیده بنده لاریغه اعانه و یاردم بیرادور126س حکیم معناسی نه دور127ج هر بر ایشنی عقل غه و مصلحت غه موافق قیلغوچی دیگان معناسنده دور128الله تعالی نینک هر بر قیلغان ایشلاریده فایده و عجیب حکمتلار و مصلحت لار باردور129لیکن هر بر ایشده بار حکمتغه بزلارنینک عقل لاریمیز یتمایدور130س غنی معناسی نه دور131ج بی نهایت بای هیچ بر نمرسه غه محتاج ایمس دور دیگان معناسنده دور132الله تعالی هر نمرسه غه بای دور هیچ بر وجه ده باشقه ذاتغه محتاج ایمس دور133س کریم معناسی نه دور134ج کرم ایتغوچی دیگان معناسنده دور135الله تعالی اوزی خواهلاغان بنده سیغه دولت و احسان نینک کوب قیلادور136س رزاق معناسی نه دور137ج رزق بیرغوچی و تویدورغوچی دیگان معناسنده دور138یر یوزیده کی هر بر جاندار الله تعالی خلق قیلغان رزق و نعمتلار برله ییمک و ایچمک ده بولوب آسایش تاپیب تورادور139س معبود نه دور140ج عبادت یعنی بنده لیک قیلینادورغان ذات دیگان معناسنده دور141جمیع بنده لارغه فقط الله تعالی غه عبادت قیلمک لازم دور باشقه نمرسه غه عبادت قیلمک هیچ درست ایماس142س هادی معناسی نه دور143ج توغری یولغه سالغوچی دیگان معناسنده دور144الله تعالی توغری یولغه و حق دین غه سالمق اوچون نیچند پیغمبرلارنینک یبارمیش دور145س الله تعالی هیچ بر مخلوقاتغه اوخشارمی146ج الله تعالی آدمیزادغه و یا باشقه مخلوقاتغه هیچ بر وجه ده اوخشامایدور147الله تعالی مخلوقات دیک جسملیک و صورتلیک ذات ایمس انینک بر روش و صورتی یوقتور148الله تعالی هیچ بر مکانده اورونده ایمس هیچ طرفده ایمس149یوقاری و یا پست آلدی و یا آرقه اونگ و یا چپ طرفلارنینک هیچ قیوسنده ایمس150الله تعالی ده ییمک و ایچمک و اوخلامقغه اوخشاش بنده لارده بولادورغان ایشلارنی هیچ بری یوقتور151الله تعالی اوزی هیچ کیمدن توغولغان ایمس و هیچ بر نمرسه نی توغدورغان هم ایمس انینک هیچ بالاسی یوقتور152الله تعالی حقیده بو طریقه نمرسه لار نقصان و کمچیلیک دور الله تعالی هر وجهدن غایت ده کامل دورOldingiKalimai iymon bayoniKeyingiTafakkur va shukrona bayoni