Ibodati islomiyaتفکر و شکرانه بیانیTafakkur va shukrona bayoni27 satrKitobda: 12-14-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 12-bet‹›1تفکر و شکرانه بیانی2سوال تفکر معناسی نه دور3ج مخلوقاتنی کوروب الله تعالی نینک قدرتینی فکر و اندیشه قیلیب و تسبیح ایتمک معناسنده دور4س تفکر قیلمک لازم دورمی5ج البته لازم و واجب دور6س نه طریقه تفکر قیلمک لازم دور7ج کورارمیزکه الله تعالی یرنی آسماننی آفتابنی و باشقه مخلوقاتلارنی خلق قیلیب و بنده لارنینک کسب و حرکت قیلماقلاری اوچون هر کون ایرته برلان آفتاب چیقیب بوتون یر یوزینی روشن و بارونق قیلیب کوندوز بولادور8و کیچه سی بیز راحتلانمک و استراحت ایتمک اوچون آفتاب غایب بولوب کیچه بولادور9و توفراقدن قندای عجیب گیاه و درختلار چیقیب اوسادور و الارده قندای عجیب مرغوب حسنلیک برگلار باردور10و کونکل غه خرسندلیک بیرادورغان خوش نمود گل لار و هر تورلوک شیرین یمیشلار حاصل بولادور11و هم یر یوزیده نه قدر حیوان بولسه الارنینک هر قیوسی الله تعالی نینک قدرتی برله بر بیریدن توغولوب کمالغه یتمکده دور12و الله تعالی نینک رزقی برله رزقلانوب عمر اوتکارمکده دور13هر قیومیز اوز حالیمیزنی یخشیلاب اندیشه قیلیب کورساک الله تعالی نینک قدرتی نینک زورلیغی و غایت ده کاملیغی ظاهر بولماقده دور14بزلار اوّلده هیچ بر نمرسه یوق ایدوک هر قیومیز الله تعالی نینک قدرتی برله بار بولدوک15خدا تعالی نینک قدرتی ایله آدم صورتیغه کیریب دنیاغه کیلدوک آهسته آهسته اوسوب کاملیکغه یتدوک16الله تعالی بزلارغه اویلارغه و یخشی یمان نینک اجراتمکغه عقل و فکر بیردی17عقل و فکریمیز برله اندیشه قیلیب قراساک بیلامیزکه الله تعالی بزلارغه غایتده عجایب فایده لیک اعضالار بیرمیشدور18سوزلارغه آغزیمیز و تیلیمیز باردور کورارغه کوزیمیز باردور ایشیتارغه قولاقلاریمیز باردور بوی بیلماکغه بورون و دماغلاریمیز باردور19ایشلارغه قوللاریمیز باردور یورارغه آیاقلاریمیز باردور20اوشبو اعضالار هر قیولاری اوز ایشلاریغه غایتده موافق طریقده یراتیلمیش دور21ایچداکی اعضالاریمیزنی حکمتلارینی اندیشه قیلیب کورساک تاشقاری اعضالاردن هم عجیبراق دورلار22بدنیمیزنی ایچینده نه قدر استخوانلار و گوشتلار و تامورلار و باشقه هر تورلوک نمرسه لار باردورکه بولارنینک هر بریسی نینک بر فایده سی و بر حکمتی باردور23نه طریقه عجیب قدرت ایله یوراکیمیز حرکت قیلیب تورمقده دورکه آنینک حرکتی سبب بولوب سلامتلیکیمیز اوچون ضرور بولغان قانلاریمیز نه طریقه ده توقتاوسیز یوروب بوتون بدنیمیزنی ایلانوب تورمقده دورلار24کوزلاریمیز و باشقه اعضالاریمیز خواهلاغان طرفیمیزغه ایلانوب حرکت قیلمقده دورلار25الله تعالی بزلارنینک یمک لیکیمیز اوچون یر یوزیده نه طریقه تورلوک تورلوک طعاملار و لذتلیک یمیشلار اوستورمکده دور26و ایچمکیمیز اوچون یردین و آسماندین شیرین سولار حاضر قیلمقده دور27و راحتلانمکیمیز اوچون بوتون یر یوزینی فایده لیک هوالار برله تولدورمیش دورOldingiAlloh taologʻa iymon keltirmak bayoniKeyingi(davomi, 17-sahifadan)