Ibodati islomiyaطهارت نینک دعالاری بیانیTahoratning duolari bayoni37 satrKitobda: 44-45-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 44-bet‹›1طهارت نینک دعالاری بیانی2سوال طهارت قیلغانده اوّل ایکی قولینی یوغانده قیسی دعانی اوقولور3ج الحمد لله الذی جَعَلَ المآءَ طَهُوراً وَالاِسلامَ نوراً4معناسی هر یخشی لیق و یخشیلاماق شونداغ خدایغه خاص دور کیم سونینک پاک قیلغوچی ایلادی و دین اسلام نینک روشن و یاروق ایلادی5س آغزینی یوغانده قیسی دعانی اوقولور6ج اللّهم طَهِّر نَکهَتی وَاسقِنی مِن حَوضِ نَبِیِّکَ7معناسی ای بار خدایا آغزیمنی پاک قیلغیل و ینه منکا پیغمبرینک محمد علیه السلام حوض کوثردن ایچمکنی نصیب قیلغیل8س بورنیغه سو آلغانده قیسی دعانی اوقولور9ج اللّهم اَرِحنی رائحةَ الجنّةِ ولا تُرِحنی رائحةَ النّارِ10معناسی ای بار خدایا منکا جنت ایسینی ایسکتغیل و منی دوزخ ایسیدن سقلاغیل11س یوزینی یوغانده قیسی دعانی اوقولور12ج اللّهم بَیِّض وَجهی بنورِکَ یَومَ تَبیَضُّ وُجوهُ اولیائِکَ ولا تُسَوِّد وَجهی یَومَ تَسوَدُّ وُجوهُ اعدائِکَ13معناسی ای بار خدایا دوست بنده لارینک یوزلاری آق بولادورغان کونیده منیم یوزیمنی اوز نورینک برله آق و روشن قیلغیل و دشمن لارینک یوزی قرا بولادورغان کونیده کناه لاریم برله منی یوزیم نینک قرا قیلمغیل14س اونک قولنی یومکده قیسی دعانی اوقولور15ج اللّهم اَعطِنی کتابی بِیَمینی وَحاسِبنی حِساباً یَسیراً16معناسی ای بار خدایا قیامت کونیده عملیم دفترینی اونک طرفیمدن بیروب ینکیل حساب برله حساب قیلغیل17س چپ قولنی یومکده قیسی دعانی اوقولور18ج اللّهم لا تُعطِنی کتابی بِشِمالی وَلا مِن وَراءِ ظَهری وَلا تُحاسِبنی حِساباً شَدیداً19ای بار خدایا عملیم دفترینی چپ طرفیمدن هم آرقه طرفیمدن هم برماغیل و قتیغ حساب برله حساب قیلماغیل20س باشغه مسح تارتغانده قیسی دعانی اوقولور21ج اللّهم غَشِّنی بِرَحمَتِکَ وَاَنزِل عَلَیَّ مِن بَرَکاتِکَ22معناسی ای بار خدایا منی رحمتینک برله اوراغیل و مینینک اوستیمغه برکتینکنی توشورغیل23س قولاقغه مسح تارتغانده قیسی دعانی اوقولور24ج اللّهم اجعَلنی مِنَ الّذینَ یَستَمِعونَ القَولَ فَیَتَّبِعونَ اَحسَنَه25معناسی ای بار خدایا منی ایشیتغان سوزلارینی یخشی راغیغه تابع و پیرو بولغوچی کیشی لاردن قیلغیل26س بوینیغه مسح تارتغانده قیسی دعانی اوقولور27ج اللّهم اَعتِق رَقَبَتی مِنَ النّارِ وَاحفَظنی مِنَ السَّلاسِلِ وَالاَغلالِ28معناسی ای بار خدایا منی دوزخ اوتیدن آزاد قیلغیل و هم زنجیر و غل عذابلاریدین سقلاغیل29س اونک آیاقنی یومکده قیسی دعانی اوقولور30ج اللّهم ثَبِّت قَدَمی عَلَی الصِّراطِ یَومَ تَزِلُّ فیهِ الاَقدامُ31معناسی ای بار خدایا قیامت کونیده آیاقلار تایادورغان کونیده منی ایکی آیاغیمنی تایدورماغیل32س چپ آیاقنی یومکده قیسی دعانی اوقولور33ج اللّهم اجعَل سَعیی مَشکوراً وَذَنبی مَغفوراً34معناسی ای بار خدایا عملیمنی ثواب لیک قیلغیل و کناهمنی عفو قیلغیل35س طهارت تمام بولغانده قیسی دعانی اوقولور36ج اللّهم اجعَلنی مِنَ التَّوّابینَ المُتَطَهِّرینَ وَاجعَلنی مِن عِبادِکَ الصّالِحینَ الّذینَ لا خَوفٌ عَلَیهِم وَلا هُم یَحزَنونَ37معناسی یا رب منی الله غه یوزلانغوچی پاک کیشی لاردن قیلغیل و هم قیامت کونیده یخشی بنده لارینکدن قیلیب قورقونچدن و غمگین لیکدن ایمین قیلغیلOldingiTahoratning mustahablari bayoniKeyingiTahoratda makruh boʻlgʻon amallar bayoni