Ibodati islomiyaتقدیر و قضا بیانیTaqdir va qazo bayoni31 satrKitobda: 19-21-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 19-bet‹›1تقدیر و قضا بیانی2سوال تقدیر معناسی نه دور3جواب عالمده هر بر بولادورغان نرسه لارنی و هر بر قیلینادورغان ایشلارنی الله تعالی نینک ازلده تعیین و مقرر قیلیب قویمکلیغی دور4س قضا معناسی نه دور5ج الله تعالی عالمده بولغان نرسه لارنی تقدیر قیلینغان طریقه ده خلق و پیدا قیلماکیدور6س عالمده بولادورغان نرسه لارنی و قیلینادورغان ایشلارنی هر قیوسی بولماسدن ایلکاری فلان وقتده بولور دیب تعیین قیلینیب قویولورمی7ج البته هر بر نرسه و هر بر ایش نینک قای زمانده بولماغی نینک و قیو سبب برله بولماقلیغی نی و قیو شیوه ده بولوی نینک بولماسدن ایلکاری تعیین قیلینیب لوح المحفوظده یازیلیب قویولمیش دور8عالمده هر بر نرسه و هر بر ایش لوح محفوظده یازیلغان طریقه ده بولادور9س لوح محفوظ نه دور10ج لوح محفوظ آسمانلارنینک اوستیده کتابغه اوخشاش بر نرسه دور11س بولادورغان نرسه لار بولماسدن بورون لوح محفوظغه نیچوک یازیلمیش دور12ج بولادورغان نرسه لار قیلینادورغان ایشلار هر قیوسی الله تعالی غه معلوم دور و هر بیری لوح محفوظغه الله تعالی غه معلوم بولغان طریقه ده یازیلمیش دور13س بنده لارنینک بعضی لاری یخشی و ثواب لیک بولمک لاری و بعضی لاری گناهلیک بولمک لاری لوح محفوظغه یازیلورمی14ج البته هر قیوسی یازیلمیش دور15س ثوابلیک کیشی لارنینک ثوابلیک بولمک لاری و گناهلیک کیشی لارنینک گناهلیک بولمک لاری لوح المحفوظده ثوابلیک یا گناهلیک دیب یازیلغانی اوچون بولورمی یا اول طریقه ایمس می16ج اول طریقه ایمس بلکه الله تعالی علم ازلی برله بیلغان که اوشبو بنده نینک اگر اوز اختیاریغه قویولسه ثواب عمل لارنی قیلور و یا گناه عمل لارنی قیلور17اوشبو طریقه اوز اختیاریغه قویولغانده ثوابلیک عمل لار و یا گناهلیک عمل لارنی قیلمکلیغی الله تعالی غه اوّلدن معلوم بولوب لوح المحفوظغه هم یازیلیب قویولمیش دور18س بنده غه لوح المحفوظده شول طریقه یازیلغان ایکان تقدیرده بولسه شول ایش بولمین قالمس دیب دنیوی ایشلارنی و هم آخرت عمل لارینی قیلماسدن کاهل بولوب یاتمق و گناه ایشلارنی قیلمک درست بولورمی19ج هیچ درست بولماس20جدّ جهد ایله تحصیل علوم قیلیب معرفة الله حاصل قیلمک و علم دینی اورگانمک حلال مال کسب قیلمک21و اخلاص برله یخشی عمل لارنی قیلمک و هر بر گناه ایشلاردن توختالمک هر بر بنده غه لازم دور22و هر ایشنی تقدیرغه حواله قیلیب اوز اختیارینده بولغان ایشلارنی هم تقدیرغه تاشلاب خوش یاتمس بولوب یاتمک غایتده احمق و بی همت کیشی لارنینک ایشیدور23و بنده لارنینک اعضالاری نینک صورتی و اجل لاریغه اوخشاش اوز اختیارلاریده بولماغان نرسه لارنی تقدیرغه حواله قیلمک درست دور24س اجل معناسی نه دور25ج عمرنینک مهلتی دیکان معناسینده دور26هر کیشی نینک عمری نینک بر اجلی و مهلتی و تمام بولغان وقتی باردور27شول اجلی یتکان زمانده وفات قیلور28س بر آفت و سبب ایله اولکان کیشی نینک اجلی قای زماندور29ج الارنینک اجل لاری هم اولکان وقتلاری دور30لکن الا ظاهرده بر سبب ایله اولغانغه اوخشاب کورونسه لار هم حقیقتده الار هم اجل لاری یتیب اولکان دورلار31چونکیم اجل لاری تمام بولغان زمانده الارغه آفت و سبب لاری توغری کیلادورOldingiQurʼon va kalomi sharif bayoniKeyingiBandalarning feʼllari bayoni