Ibodati islomiyaآخر الزمان بیانیOxir zamon bayoni64 satrKitobda: 22-25-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 22-bet‹›1آخر الزمان بیانی2سوال آخر زمان معناسی نه دور3ج اوشبو دنیانینک آخری و تمام بولغان کونی دیکان معناسینده دور4س آخر زمانده نیچوک نرسه لار پیدا بولور5ج بوتون یر یوزیده کی آدم لار و حیوانلار یرده و آسمانده بولغان فرشته لار اولوب تمام بولورلار6شول زمان دنیا مخلوقاتی نینک همه سی هلاک و فانی بولورلار7س آخر زمان قای وقتده بولور ایمدی آخر زمانغه نیچه ییل قالدی8ج آخر زمان نینک قای وقتده و قیو کون بولماکلیغی فقط الله تعالی نینک اوزیغه معلوم دور9الله تعالی دن باشقه کیشی هیچ بیلمس هر کون هر ساعت آخر زمان بولمکلیغی احتمال دور10س آخر زمان بولمسدن ایلکاری بر علامت و نشانه سی ظاهر بولورمی11ج ظاهر بولور آخر زمان یقین بولغانی نینک کوب علامتلاری باردور12شول علامتلار پیدا بولغونچه دنیا تمام بولمس13س اول علامتلار نه لاردور14ج آخر زمان بولوردین ایلکاری یر یوزیده بنی اصفر ناملیک ساریغ توسلیک بر تورلوک قوم کوب بولوب بوتون یر یوزیغه تارقالورلار15کوب مملکت لارنی اوز تصرف لاریغه آلیب کوب یرلارغه حکم لاری جاری بولور16اول زمانده اهل اسلام مملکت لاری غایتده ضعیف بولور کوب مسلمان مملکت لاری بنی اصفر تصرف لاریغه کیرور17۲ نچی بر نیچه زماندن سونکره بنی اصفر طایفه سی کملانوب ضعیف بولور آخر الامر هم بر بشقه قوم نینک تصرفیغه کیرورلار18شول زمانده مسلمانلار غایتده قوتلانورلار19۳ نچی بنی آدم نینک عمل و عبادتغه میل و رغبت لاری کم بولور20خمر ایچمک زنا قیلمک غه اوخشاش گناه ایشلار غایتده کوب بولور21۴ نچی خلق آراسینده بر بیریغه جور و ظلم قیلمک کوب بولور22۵ نچی یر یوزیده زلزله و یر چوکمک شهرلارنی سو باسمک ضررلیک شمال لار و شولارغه اوخشاش بلا و آفت لار کوب بولادور23۶ نچی یر یوزیده وبا غه اوخشاش هر تورلوک درد و بیمارلیک لار زیاده بولادور24۷ نچی توغولغاندن وفات ایتکوچی و اولغوچی کوب بولور25۸ نچی دنیاده ایرککلاردن خاتونلار حسابده آرتوقراق بولور26۹ نچی بعضی ییل لارده طعام و ییمک کوب بولوب غایت توقلوق بولادور27و بعضی ییل لارده طعام و ییمک لیک نرسه لار بولمای قالیب قتیغ آچلیق لار بولادور28۱۰ نچی مشرق طرفدن یاجوج و ماجوج ناملیک بر تورلوک قوم چیقوب یر یوزیغه تارقالور29مغرب طرف نینک خلایق لاریغه هم غالب بولوب الارغه ظلم قیلورلار30۱۱ نچی اندن سونکره بر کذاب یلغانچی کیشی چیقوب کوب آدم لارنی اوزیغه تابع قیلادور31تابع بولغان کیشی لارنی یولدین چیقاروب بی ایمانلیکنی و فاسق لیکنی اورگاتادور32بول کیشی نینک دجال دیلور33۱۲ نچی دجال خلایق نی یولدن آزغوروب یورغان وقتده پیغمبریمیز محمد علیه السلام نینک محترمه قیزی حضرت فاطمه نسلیدن محمد ناملیک بر صالح کیشی چیقوب34خلق نی وعظ و نصیحت برله فاسق لیکدن و بی ایمانلیکدن منع قیلور یخشیلیق و عادل لیق غه ترغیب قیلور35و هم عسکر جمع قیلیب دجال نینک قومیغه قارشو بولوب اوروش قیلادور36بو کیشی نینک مهدی دیوب آتالور37۱۳ نچی شول اثناده آسماندن حضرت عیسی علیه السلام یرغه توشوب حضرت مهدی طرفیغه یاردم بیرادور38اوشبو اوروشده دجال هلاک بولادور و عسکرلارینی هم اکثری هلاک بولادور39قالغانلاری یغیلیب حضرت عیسی برله مهدی نینک حکم لاریغه تابع بولورلار40۱۴ نچی شول زمانده عیسی برله مهدی عدالت برله حکومت جاری قیلغان سببلیک خلایق لار بر نیچه ییل لار یخشی لیک و آسایش برله عمر اوتکارورلار41اول زمانده یر یوزی غایتده امنیت لیک بولادور42و یخشی عمل لارنی قیلغوچی آدم لار کوب بولور و یمان ایشلارنی قیلغوچی آدم لار کم بولادور43۱۵ نچی شول زمانده خزینه و مال لارغه چیندان برکت و زیاده لیک پیدا بولور44که هر بر کیشی غنی و دولتمند بولور حتی شول مرتبه غه یتار که یر یوزیده زکات و صدقه آلماقغه فقیر کیشی تاپیلمس45۱۶ نچی شول طریقه عدالت و امنیت زمانی تمام بولوب اندن سونکره خلایق ینه توغری یولدن چیقیب گناه ایشلارنی قیلمک غه و کافر بولمک غه یوزلانوب46بی ایمان و گناهکار کیشی لار کوب بولورلار47۱۷ نچی شول زمانده مغرب طرفدن بر ساوق شمال توروب مؤمن مسلمان کیشی لارنی هلاک قیلور48بعد ازان یر یوزیده فقط گناهکار فاسق بی ایمان کیشی لار قالورلار و هر تورلوک گناه ایشلارنی قیلمک غه مشغول بولورلار49س اندن سونکره نه واقعه بولغای50ج الله تعالی نینک حکمتی برله آفتاب نینک یوریشی تیسکاری بولوب مغرب طرفدن چیقادور51اوشبو کون دنیانینک آخر کونی و آخر ساعتی دور52اوشبو کونغچه گناه لاردن توبه قیلینسه مقبول دور اوشبو کوندن باشلاب توبه مقبول ایمس53س بوندن سونکره نه واقعه بولادور54ج بر زمان بوتون یر یوزینی بر تورلوک دود باسیب هر بر کیشی نینک هوشی نینک یوق قیلور55س بو واقعه دن سونکره نه حادثه بولور56ج اسرافیل فرشته اوزی نینک قولیغه بیریلغان صور ناملیک شاخنی اورادور57پس شوندن سونکره یر یوزیده کی جمیع جاندار اولوب تمام بولادور58س جمیع جاندار اولوب تمام بولغاندین سونکره نه بولادور59ج بر قتیغ شمال پیدا بولوب یر اوستیده کی شهرلارنی و وادی لارینی و تاغلارنی خراب قیلادور60یر یوزی مسطح و برابر بولوب بر دشت بولوب قالور61س اندن سونکره نه بولادور62ج یرده و آسمانده بار فرشته لار همه لاری تماماً اولورلار63یر و آسمان و الارده بولغان مخلوقات همه لاری هلاک و فانی بولورلار64پس شول زمانده الله تعالی نینک اوزیدین بشقه هیچ بر موجود تیریک نرسه قالمایدورOldingiBandalarning feʼllari bayoniKeyingiQiyomat kuni bayoni