Ibodati islomiyaبنده لارنینک فعل لاری بیانیBandalarning feʼllari bayoni26 satrKitobda: 21-22-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 21-bet‹›1بنده لارنینک فعل لاری بیانی2سوال بنده لارنینک فعل لاری نینک قیلغوچی و بولدورغوچی کیمدور3جواب بنده لارنینک قیلغان فعل لارینی کسب و حاصل قیلغوچی بنده لارنینک اوزلاریدور4اما بولدورغوچی و خلق قیلغوچی الله تعالی دور5بنده لارنینک قیلماقچی بولغان فعل لارینی الله تعالی قیلمقلیغیغه قدرت و قوت بیریب خلق قیلمسه بنده لار فقط اوزلاری هیچ بر ایشنی قیلمقغه قادر بولماس ایردیلار6الله تعالی بنده لارغه اراده و اختیار یعنی خواهلامکلیکغه کفایه قیلغودیک بر آز قوت بیرمیش دور7و بنده بر ایشنی قیلمک اوچون اختیار برله اوشل قوتنی صرف قیلور8اندین سونکره الله تعالی بنده نینک خواهلاغان فعلینی خواهشیغه موافق خلق قیلادور9پس بنده فعلینی کسب قیلغوچی دور الله تعالی خلق قیلغوچی دور10مثلاً بنده یورمق نینک اختیار قیلیب قوتینی صرف قیلور اوشل حالده الله تعالی یورمقلیکنی انکا خلق قیلادور11و بنده یورماقلیکنی کسب و حاصل قیلادور12پس الله تعالی نینک خلقی برله بنده غه یوروش حاصل بولادور13و بنده لارنینک جمیع فعال لاریغه الله تعالی خالق دور14اما بنده لارنینک اوز فعل لاریغه کاسب آتالور15س بنده لارنینک یخشی فعل لارینی و هم یمان فعل لارینی الله تعالی خلق قیلورمی16ج البته هر قیوسینی الله تعالی خلق قیلور17بنده هر طریقه فعل نینک کسب قیلمک نی اختیار قیلسه الله تعالی اوشل فعل نی خلق قیلادور18اگر بنده اختیاری برله یخشی و ثواب فعل نی کسب قیلماقچی بولسه الله تعالی اول فعل نی رضالیغی برله خلق قیلادور19اما گناه فعل نی کسب قیلماقچی بولسه الله تعالی اول فعل غه راضی بولماس ولکن راضی بولمسه هم بنده نینک خواهشیغه قراب یمان فعل بولسه هم اوزی نینک عادتی بویونچه خلق قیلادور20س بنده نینک هر فعلینی الله تعالی اوزی خلق قیلغوچی بولسه بنده لار قیلغان فعل لاری اوچون ثوابلیک یا گناهلیک بولورلارمی21ج البته بولورلار چونکیم اگر بنده اوز اختیاری برله یخشی فعل نی کسب قیلسه انینک اوچون ثوابلیک بولور22و اگر یمان فعل نی کسب قیلسه انینک اوچون گناهکار بولور23بنده لار ثوابلیک یا گناهکار بولمک لاری فعل لاری نینک الله تعالی خلق قیلغانی اوچون ایماس بلکه اختیارلاری برله اوزلاری کسب قیلغانلاری اوچوندور24بو صورتده بنده غه هیچ ظلم و جبر یوقدور25چونکه الله تعالی بنده غه هیچ بر فعل نی زور برله خلق قیلماس26بلکه اول بنده بر فعل نی قیلمک نی اوز اختیاری برله قصد قیلور بعد ازان الله تعالی اول بنده غه قوت بیریب اوشل فعل نی خلق قیلادورOldingiTaqdir va qazo bayoniKeyingiOxir zamon bayoni