Ustozi avvalZuluk birla ilon29 satrKitobda: 61-62-betMutaxassis hali tekshirmaganLotinchaA−A+Satrga bosing: lotincha oʻqilishi chiqadi. Ovoz yozuvlari hali yoʻq.⌄Asl sahifa: 61-bet‹›1زلوک برله ایلان2بر کونی جمع اولدی زلوک هم ایلان3بر بریغه دوستلیغ ایلاب عیان4انده ایلان ایدی زلوکغه باقیب5بر نیچه راز دلیم ایلادی بیان6منگا تعجب کورینور ایکی ایش7کورسه منی خلق قاچار هر قیان8سنگا عجب رحم و مروّت قیلیب9برگای الار اوز تنیدین تازه قان10کورسه سنی هر نچوک آدم اگر11یخشی توتوب تربیه قیلغای همان12گر منی بر کورسه قاچیب اوّلا13فرصت اگر تابسه اورار بیگمان14حال بوکیم هر ایکیمیز کسبیمیز15تیشلماق ایردی بدنی اهل جان16انده زلوک باقتی یلان ساریغه17ایدی برادر بو نچوک داستان18منکه مریض اهلیغه یاردم اوچون19جانیمی قربان قیلورم هر زمان20ساغ و سلامت هم اگر بر بدن21اوچراسه قیلغای سن انگا بر زیان22بر نیچهنی زهر سالوب اولدوروب23برچهلار ایتگای المینگدین فغان24خلق سوزیدور منی دارو دیماک25تاشی ملایم سن و زهرینگ نهان26انده یلان شرم قیلیب فعلیدین27مضطرب اولدی بیلینگ اهل جهان28بیلسه بولور بول سوزی معناسیدین29هر کیمه خوش فعل کیراک هر قچانOldingiTulki birla laklakKeyingiTulki birla uzum